ტელეკლინიკის პროექტს აივ მოწყვლადი ჯგუფებისთვის დაიწყო და ახორციელებს ზიანის შემცირების საქართველოს ქსელი საოჯახო მედიცინის ეროვნულ სასწავლო ცენტრთან თანამშრომლობით, გლობალური ფონდის და დაავადებათა კონტროლის ეროვნული ცენტრის მიერ დაფინანსებული პროექტის ფარგლებში.

პროექტის ხანგრძლივობაა 5 თვე.

პროექტის დასახელება: „COVID-19 პანდემიის პირობებში აივ ინფექცია/შიდსის საკვანძო პოპულაციებისათვის, აივ ინფექცია/შიდსით და ტუბერკულოზით დაავადებული პირებისთვის სამედიცინო და ფსიქოლოგიური დახმარების სერვისებზე ხელმისაწვდომობის უზრუნველყოფა პირველადი ჯანდაცვის დისტანციური მომსახურების - ტელეკლინიკის მოდელის გამოყენებით.“

პროექტის ფარგლებში რისკ ჯგუფებისთვის მოხდება დისტანციური სამედიცინო და ფსიქოლოგიური კონსულტირების გაწევა, მათ შორის ტელეფონით, ინტერნეტით, ვიდეო ზარით, შემდეგ საკითხებზე:

- ზოგადი ჯანმრთელობის საკითხები,

- ახალი კორონავირუსის პრევენციის და სიმპტომების ადრეული გამოვლენის საკითხები,

- გათვალისწინებულია ცალკეული სპეციალისტების კონსულტაციებიც.

 

გთხოვთ გადასცეთ ეს ინფორმაცია მიზნობრივ პოპულაციას!