27 ივნისი - "ჰუმანური ნარკოპოლიტიკა-ხელმისაწვდომი ჯანდაცვა" - მრგვალი მაგიდა
27 ივნისს, გაიმართა მრგვალი მაგიდა თემაზე - „ჰუმანური ნარკოპოლიტიკა-ხელმისაწვდომი ჯანდაცვა“ „ზიანის შემცირების საქართველოს ქსელის“ ორგანიზებით.
თამარ გაბუნია (საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის პირველი მოადგილე),
ირმა ხონელიძე (დაავადებათა კონტროლის და საზოგადოებრივი ჯანმრთელობის ეროვნული ცენტრის გლობალური ფონდის პროგრამის დირექტორი)
ხათუნა თოდაძე (ფსიქიკური ჯანმრთელობის და ნარკომანიის პრევენციის ცენტრის გენერალური დირექტორის მოადგილე)
იაგო ხვიჩია, ვახტანგ მეგრელიშვილი (გირჩი)
თემის წევრები, სათემო ორგანიზაციები და სფეროს ექსპერტები
შეხვედრა ეძღვნებოდა „ნარკომანიასთან და ნარკოტიკების უკანონო ბრუნვასთან ბრძოლის საერთაშორისო დღეს“, რომელიც ქსელის ორგანიზაციებისთვის ტრადიციულად ნარკოპოლიტიკის წინააღმდეგ ბრძოლის დღედ იქცა.
შეხვედრაზე სხვადასხვა რაკურსით მიმოიხილეს ნარკოპოლიტიკის უარყოფითი შედეგები. ხაზი გაესვა მოქმედი ნარკოპოლიტიკის არაეფექტურობას და დამანგრეველ შედეგებს, როგორც მომხმარებელთა თემისათვის ასევე საზოგადოებისთვის.
შეხვედრაზე განიხილეს რეაქტის სისტემაში რეაქტორების მიერ დოკუმენტირებული ადამიანის უფლებების დარღვევების ქეისების შედეგად შემუშავებული სტატისტიკა.
