როგორ უნდა მოვიქცეთ ზედოზირების დროს?
ზედოზირების დროს
როგორია ოპიოიდებით დოზის გადაჭარბების მახასიათებლები?
- გონების დაკარგვა; • შენელებული სუნთქვა
(წუთში 12 ჩასუნთქვაზე ნაკლები); • მოდუნებული სხეული; • სიფერმკრთალე; • ცივი და წებოვანი კანი; • გალურჯება
(ლურჯდება ტუჩები, თითები); • ღებინება; • შენელებული გულისცემა.
როგორ უნდა დავეხმაროთ ადამიანს ოპიოიდებით დოზის გადაჭარბების შემთხვევაში?
რისი გაკეთება არ შეიძლება:
- არ დატოვოთ ადამიანი მარტო შეიძლება სუნთქვა გაუჩერდეს;
- არ გამოიწვიოთ ღებინება შეიძლება გადასცდეს;
- არ დაალევინოთ წყალი შეიძლება დაეწყოს ღებინება;
- ინექციისათვის არ გამოიყენოთ სხვა ნივთიერება გარდა ნარკანისა (ნალოქსონი).
- თუ ადამიანი უგონოდ არის, შეეცადეთ მის გაღვიძებას. არ მისცეთ ჩაძინების საშუალება;
- დაუყონებლივ გამოიძახეთ სასწრაფო დახმარება და არ დაუმალოთ ექიმს ზედოზირების რეალური მიზეზი
როგორ უნდა მოიქცეთ დოზის გადაჭარბებისას, როცა ხართ მარტო?
- თუ გრძნობთ, რომ „პრიხოდი’’ ძალიან ძლიერია, შეეცადეთ ოთახში იმოძრაოთ, არ დაწვეთ. შეიძლება მოგეჩვენოთ, რომდაიძინებთ და ყველაფერი გაივლის. გახსოვდეთ ძილი შეიძლება ნელნელა სიკვდილში გადაიზარდოს. მთავარია არ დაიძინოთ!
- გააღეთ ფანჯარა, ისუნთქეთ ღრმად, რომ ფილტვებში ჟანგბადის მიწოდება გაიზარდოს. შეისხით ცივი წყალი, რომგამოცოცხლდეთ. მთავარია გრძნობა არ დაკარგოთ!
- დაურეკეთმეგობარს,ნაცნობს, მთავარია მარტო არ დარჩეთ!
- თუ გრძნობთ, რომ ითიშებით, სასწრაფო დახმარება გამოიძახეთ!
- ბინის კარები ღია დოტოვეთ, რათა ექიმმა ან ახლობელმა შემოსვლა შეძლოს თუ გონებას დაკარგავთ!
- თუ ვერავის დაურეკავთ გამოდით ქუჩაში, შეიძლება გამვლელებმა გაგიწიონ დახმარება ან სასწრაფო დახმარება გამოიძახონ.
