გაეროს გენერალური ასამბლეის 76-ე (UNGA 76/2021) სესიის ფარგლებში, რომელიც 14 სექტემბრიდან ნიუ-იორკში იწყება, სამოქალაქო საზოგადოების ჩართულობის მექანიზმის (Civil Society Engagement Mechanism for UHC2030 (CSEM)) მიერ შეხვედრა არის დაგეგმილი.
შეხვედრა ეძღვნება სამოქალაქო საზოგადოების ჩართულობის მექანიზმის მიერ შემუშავებული „საყოველთაო ჯანდაცვის ადვოკატირება: სამოქალაქო საზოგადოების ახალი ინსტრუმენტარიუმი“-ის წარდგენას და სამოქალაქო საზოგადოებების როლს საყოველთაო ჯანდაცვის მიღწევაში (https://csemonline.net/uhc-advocacy-toolkit/).
თქვენთვის ცნობილია, რომ საქართველოს წითელი ჯვრის საზოგადოება საყოველთაო ჯანდაცვის დანერგვას აქტიურად უჭერს მხარს. ამ მიზნით, წითელი ჯვრისა და წითელი ნახევარმთვარის საზოგადოებათა საერთაშორისო ფედერაციის მხარდაჭერით, საქართველოს წითელმა ჯვარმა ყველა დაინტერესებულ და თემის წარმომადგენლების ჩართულობით ორი შეხვედრა ჩაატარა, 2019 წლის მაისში და 2021 წლის ივნისში და შედეგად ადვოკატირებისთვის ერთობილივი გზავნილები შეიმუშავა.
ქალბატონი ნათია ლოლაძე, საქართელოს წითელი ჯვრის პრეზიდენტი, სამოქალაქო საზოგადოების ჩართულობის მექანიზმის მიერ ორგანიზებულ შეხვედრაზე სიტყვის სათქმელად არის მიიწვეული.
შეხვედრა გაიმარება ონლაინ რეჟიმში - 28 სექტემბერს, თბილისის დროით 16:00 საათზე.
იხილეთ დეტალური ინფორმაცია - შეხვედრის დღის წესრიგი
შეხვედრაზე დასასწრებად, გთხოვთ, წინასწარ გაიაროთ რეგისტრაცია მოცემულ ბმულზე:https://cutt.ly/CSEMtoolkit
