ამჟამინდელი ეპიდსიტუაციის დროს, როდესაც ტრანსპორტის მოძრაობაც კი შეზღუდულია ქალაქში, არსებობს საშუალება, სახლიდან გაუსვლელად შეძლოს ადამიანმა ჩაიტაროს აივ ინფექციაზე თვითტესტირება და გაიგოს საკუთარი სტატუსი. საიტის დახმარებით მომხმარებელს შეუძლია გამოიწეროს სასურველი პროდუქტი/ტესტი, სასურველ მისამართზე და კურიერი სახლში მიუტანს მას შეკვეთას. ძალიან მნიშვნელოვანია არ შეწყდეს ტესტირება პანდემიის გამო და არ შეიქმნას ბარიერი მოწყვლადი ჯგუფებისთვის.
selftest.ge თვითტესტირების ონლაინ პლატფორმაა, რომელიც მიზნად ისახავს აივ ინფექციაზე თვითტესტირების დანერგვას მსმ (მამაკაცები რომელთაც სქესობრივი კავშირი აქვთ მამაკაცებთან), ტრანს, კსმ (კომერციული სექსმუშაკი) და ნარკომომხმარებელ თემში. თვითტესტს აქვს 4 უპირატესობა:
ტესტის გამოყენება შეგიძლიათ კონსულტანტის დახმარების გარეშე. ანოტაცია შეგიძლიათ იხილოთ შეფუთვაში. აივ-ის თვითტესტირების მნიშვნელოვანი ნაწილია ის, რომ თქვენ უნდა იცოდეთ, სწორად ჩაატარეთ თუ არა ტესტი.
ასევე გასათვალისწინებელია „აივ ინფექციის ფანჯრის პერიოდი“ ან „აივ-ის ტესტის ფანჯრის პერიოდი“. ამ პერიოდის განმავლობაში, ადამიანმა, ვინც აივ-ით ინფიცირებულია, შესაძლოა მიიღოს აივ-ტესტის უარყოფითი შედეგი, რადგან მას ჯერ არ აქვს ორგანიზმში ანტისხეულების საკმარისი რაოდენობა იმისთვის, რომ ტესტმა დადებითი შედეგი აჩვენოს.
სასურველია ტესტირება მოხდეს სარისკო ქცევიდან (არასტერილური საინექციო ინსტრუმენტის გაზიარება, როგორიცაა შპრიცი, ნემსის თავი, კოვზი, ,,პუზირი“, სპირტიანი ტამპონი, ჟგუტი ანდ სულაც დაუცველი სექსი პარტნიორთან) მაქსიმუმ 8-12 კვირის შემდეგ.
ტესტირებისას დეტალურად გაეცანით ინსტრუქციას, რაც აივ თვით ტესტს მოყვება.
კითხვების შემთხვევაში მოგვწერეთ, გაუზიარეთ ინფორმაცია თქვენს მეგობრებს და ყველა იმ ადამიანს, ვისაც თვლით რომ აივ ტესტირება ესაჭიროება.
დიდი მადლობა!
